2003-2007 жылдар аралығында Қазақ ұлттық университетінің Шығыстану факультетінде жапонтану мамандығын меңгеріп, бакалавриат бағдарламасын үздік бітіріп шықты. 2006 жылы АҚШ-тың Бостон, Нью-Йорк, Питтсбург сияқты ірі қалаларында студенттерге бағытталған арнайы жұмыс тәжірибесінен өтіп, ағылшын тілінің білім деңгейін дамытқан. Студенттік кезінде, бірінші Қазақстан бойынша, содан соң ТМД елдері арасындағы (Мәскеу қаласында) жапон тіліндегі шешендік өнер байқауында жүлделі орынға ие болған, ал 4-курста Осака қаласында Халықаралық Жапон Қоры ұйымдастырған «ең үздік студенттерге арналған» тағылымдамадан өткен. 2007 жылы Шығыстану факультетінің «Аударма ісі» мамандығы бойынша магистратураға түсіп, оны 2009 жылы үздік дипломмен бітіріп шықты. Магистратураның 2-курсында, халықаралық «Нореку щикен» атты емтиханнан өтіп, жапон тілінің білімі бойынша, ең жоғары 1- деңгей сертификатын иеленген. 2008 жылы Қазақстан бойынша жапон тілінде эссе жазу байқауынан 1-орын алып, Жапонияда өткен «Нихонго самитто» атты "әлемдегі бейбітшілік" тақырыбында халықаралық конференцияларға шақырылды. Хоккайдо губернаторы, Саппоро, Нагасаки қалаларының әкімдерімен кездесіп, жапон телевизиясына түсірілімге шақырылды. Жапонияның көптеген қалаларын қамтыған бұл конференцияларда баяндамалар жасап, Жапонияның атақты журналистері және саясаткерлерімен кездесті. Келесі жылы Кансайда зерттеу жұмысын жүргізіп, «жапон тілін зерттейтін магистранттарға және докторанттарға арналған» Халықаралық Жапон Қорының тағылымдамасынан өткен. 2007-2009 жылдар аралығында KIMEP жоғары оқу орнында жапон тілінің оқытушысы болып қызмет атқарды. Жұмыс барысында барлық сабақтарын ағылшын тілінде жүргізді. ҚР және шетелдік студенттерге дәріс берді. 2008 жылы Қазақстан-Жапон орталығы (ҚЖО) негізінде жапондық оқытушылардан жапон тілін оқыту әдістемесі сабақтарын алып, арнайы курстан өтті. Сонымен бірге, 2007- 2010 жылдары Қазақстан- Жапон адам ресурстарын дамыту орталығында оқытушы қызметінде болды. 2011-2012 жылдар «Шегетас» аударма агенттігінде еңбек етіп, 2012-2013 жылдары Астанадағы Қазақстан- Жапон орталығында сабақ берді. Келесі бес жылдай уақыт көлемінде «TezPerevod», «Translight bureau» ірі аударма агенттіктерінде аудармамен айналысты. 2019 жылы Қазақстан- Жапон орталығында ұстаздық жолында өз еңбегін жалғастырды. Осы жылы ол ҚЖО ұйымдастыруымен «Маругото» оқулығының негізіндегі жапон тілін оқыту курсына қатысып, халықаралық жаңа оқу бағдарламаларын меңгерген